გაგზავნილია: 13.03.11 07:59. სათაური: ლოგოპედია-ლამაზად მეტყვ&

ლოგოპედია-ლამაზად მეტყველების ხელოვნებაა!!!
სწორად და ლამაზად მეტყველება კი წარმატების წინაპირობაა!!!

მოგესალმებით დიდი სიყვარულით, კეთილი იყოს ჩვენი ფორუმზე შეხვედრა...
მეტყველება, ეს ერთი შეხედვით, მარტვი ფუნქცია რომ თავის თავში ბევრ სირთულეს შეიცავს ალბათ დამეთანხმებით.იგი არც თანდაყოლილ უნარს არ წარმოადგენს და ვითარდება ბავშვის ზრდის პროცესში ფიზიკური და გონებრივი განვითარების პარალელურად. საბოლოოდ კი ადამიანის საერთო განვითარების მაჩვენებელია.
სწორად როგორ შევაფასოთ ჩვენი შვილების მეტყევლების განვითარება? როდის და როგორ უნდა დაიწყოს მან ლაპარაკი? როდის უნდა ავნერვიულდეთ და როდის უბრალოდ დაველოდოთ? როგორ არ გაგვეპაროს მომენტი, როდესაც ბავშვს სჭირდება თქვენი ან სპეციალისტის დახმარება? ამ და სხვა სახის შეკითხვებს სვამენ ყურადრებიანი მშობლები, რომელთათვისაც სულ ერთი არ არის საკუთარი შვილების შემდგომი განვითარება.
სამწუხაროდ არიან ისეთი მშობლებიც,რომლებიც ფიქრობენ , რომ არ ღირს საკუთარი შვილის მეტყველების ფორმირებაში ჩარევა, რომ ბავშვი გაიზრდება და მას ყველაფერი თავისით მოუწესრიგდება.ის თავისით ისწავლის როგორ იმეტყველოს გამართულად" ჩვენ რა ,გვასწავლა ვინმემ?"-ამბობენ ხშირად...ეს მცდარი მიდგომაა!!! საუკეთესო გამოსავალია მცირე დეფექტის შემჩნევის შემTხვევაშიც კი,მიაკითხოთ სპეციალისტს, რომელიც გარკვეული გამოკვლევის შედეგად განაქარვებს თქვენს ეჭვებს ან მოგცემთ საჭირო რეკომენდაციებს, რომლებიც მოგეხმარებათ დროულად აღმოფხვრათ თქვენი შვილის სამეტყველო ნაკლი .


ალბათ იცით , რომ ცნობილია შემთხვევები ე.წ. "ადამიანი მაუგლები" რომლებიც იზრდებოდნენ არასამეტყველო გარემოში,არაადამიანურ გარემოცვაში,არ ჰქონდათ მეტყველების უნარი ,პოვნის და დაბრუნების შემდეგ სპეციალისტების დიდი ძალისხმევის მიუხედავად მათ ვერ შესძლეს დაუფლებოდნენ სრულფასოვან მეტყველებას, რადგან სენსირიული (ანუ ყველაზე ხელსაყრელი) პერიოდი მეტყველების დაუფლებისა უკვე გასული იყო.

დამტკიცებულია, რომ ყრუ-მუნჯი მშობლების ნორმალური ფიზიოლოგიური სმენის მქონე შვილები დიდხანს ვერ ლაპარაკობენ(სადღაც 4-5 წ-მდე)და მეტყველება გარკვეული თავისებურებებით უნვითარდებათ . ეს მაგალითები გვიჩვენებს, რომ დროული და სწორი გავნითარებისათვის აუცილებელია სრულფასოვანი სამეტყველო კონტაქტები.ბავშვი რაც უფრო ხშირად ეკონტაქტება გარშემომყოფებს მით სწრაფად და ხარისხიანად იწყებს ლაპარაკს :)

 გაგზავნილია: 13.03.11 09:02. სათაური: რომ..

 გაგზავნილია: 13.03.11 09:30. სათაური: როƮ..

როდის მივმართოთ ლოგოპედს?

1 წელი - თუ ბავშვი წლამდე ასაკამდე იყო ნერვოპათოლოგის მუდმივი ზედამხედველობის ქვეშ.
2 წელი - თუ ბავშვის სამეტყველომ მარაგი შემოიფარგლება 10 სიტყვაზე ნაკლები რაოდენობით.
3 წელი - თჲ მეტყველებისას არ იყენებს ფრაზებს, თუ მისი მეტყველება გაუგებარია გარშემომყოფებისათვის.
4 წელი - თუ დარღვეულია ბევრი ბგერის წარმოთქმის მკაფიოება და სისწორე.
5-6წელი – თუ დარღვეულია ბგერების სისწორე, ბავშვი არასწორედ აგებს წინადადებებს, არ შეუძლია სურათის მიხედვით მარტივი მოთხრობის შედგენა,ძნელად იმახსოვრებს ლექსებს და ვერ იმახსოვრებს ასოებს.

დაწყებითი კლასები – სისტემატური ბგერათაღრევა მეტყველებისა ან წერის დროს.

თუ ბავშვს დაეწყო ენაბლუობა --აუცილებელია სასწრაფო კონსულტაცია, ლოგოპედთან და ფსიქონერვოლოგთან.

ცხოვრების ერთ- ერთი მთავარი ეტაპი,სკოლისათვის მოსამზადებელი ასაკი – ლოგოპედი აღმოაჩენს და ღმოფხვრის შესაძლო შეცდომებს ბგერათწარმოთქმის და წერითი შეცდმების თავიდან ასაცილებლად.

გისურვებთ წარმატებებს!!!! :)

 გაგზავნილია: 13.03.11 09:49. სათაური: ლოგ..

ლოგოპედიური მუშაობის დროს ხდება:

* მეტყველების ტემპის და რიტმის ნორმალიზება;
* სამეტყველო მოტორიკის განვითარება ბგერების სწორად გამოთქმისათავის;
* ფონეტიკური სმენის დამუშავება(რაც აუცილებელია ბავშვის შემდგომი განვითარებისათვის სკოლაში, განსაკუთრებით წერის დროს)
* საერთო და წვრილი მოტორიკის განვითარება: მოტორიკა, მიმიკა, პანტომიმიკა
* ფიზიოლოგიური და დიაფრაგმული სუნთქვის განვითარება;
* სიტყვათა მარაგის გამდიდრება, აგრამატიზმის თავიდან აცილება;
* გამომხატველობითი მეტყველების დამუშავება.

ლოგოპედი მუშაობს:

* აზროვნების;
* მეხსიერების სხვადასხვა ფორმის;
* ყურადრების;
* წარმოსახვისა და ფანტაზიის;
* მხედველობითი აღქმის;
* სმენითი აღქმის;
* ხელის ნატიფი მოტორიკის განვითარებისათვის;
* ფიზიოლოგიუირ და სამეტყველო სუნთქვის მოწესრიგებისათვის;
* ბგერათწარმოთქმის დასაზუსტებლად;
* წერა-კითხვის დასაუფლებლად;
* დისგრაფიის და დისლექსიის პროფილაქტიკისათვის;
* ლექსიკის გამდიდრებისათვის;
* გრამატიკული წყობის ჩამოყალიბებისათის

ლოგოპედიური კაბინეტი "ჩიორაში"

 გაგზავნილია: 13.03.11 19:36. სათაური: http://pics.qip.ru/1..

 გაგზავნილია: 13.03.11 20:08. სათაური: მეც..

მეცნიერთა აზრით, ხელისა და მეტყველების ფუნქცია მჭიდრო კავშირშია, ანუ ბავშვის მეტყველების განვითარების დონე დამოკიდებულია ხელის ნატიფი მოძრეობის ფორმირების ხარისხზე. ხელის ნატიფი მოძრაობის განვითარება ზრდის თავის ტვინის ქერქის შრომისუნარიანობას. ვარჯიშები სასურველია დავიწყოთ ადრეული ასაკიდან.

გაჩვერნებთ რამდენიმე მარტივ სავარჯიშოს, რომლითაც მე ჩემი პატარა ჩიორელების წვრილ მოტორიკას ვამუშავებ :)

"ნეკი ნეკისაო"

ნეკი ნეიკისაო, მეგობრობისაო,
ჩახუტებისაო, არ გაშვებისაო -----თითები მჭიდროდაა ერთმნანეთს გადაჭდობილი, როგორც ორი
კაუჭი და მათი გახსნა ძნელია...
ანალოგიურად ვაკეთებთ, მორიგეობით დანარჩენი თითებითაც, თან ვასახელებთ ამ თითების სახელებს (პარალელურად თითების სახელებსაც ვსწავლობთ)



"ლოკოკინა"
ძამია ლოკოკინაო,
ნეტავი რატომ ააგე ასე პატარა ბინაო?!
სტუმარი რომ მოგივიდეს
სად უნდა დააბინაო???"
გავაკეთოთ მუჭი, შემდეგ გამოვაწევინოთ საჩვენებელი და ნეკა თითები,სხვა თითები ხელისგულზეა მიმაგრებული.გამოწეული თითები ავამოძრავებინოთ
(ლოკოკინას ჩვენი შენიშვნა არ მოეწონა და ულვაშები აუთამაშდა)


"ჩვენ ვითვლით"

თითებს უყვართ ძალიან,
თვლით რომ ეფერებიან,
1, 2, 3, 4, 5,
5 მეგობარი,"
ითლიან ჯერ ერთი ხელის, შემდეგ მეორე ხელის თითებს. თუ მეცადინეობა გამოსაშვებ ჯგუფში ტარდება, მაშინ თვლით 10-მდე, თუ უმცროს ჯგუფში, მაშინ 5-ს და 5-ს( ამ ვარჯიშით ვანვითარებთ წვრილ მოტორიკას და ასევე გვეხმარება შემდეგ, მათემატიკის გაკვეთილზე ,ანგარიშის სწავლების დროს ანუ ზუსტად იცის რამდენი თითი უნდა გაშალოს რომ იყოს 3, 2 ან 4:)

 გაგზავნილია: 17.03.11 17:56. სათაური: რთư..

რთული ბგერების გამოვლინების ასაკი

1-2- წელი -- ა;ე;ო; პ;ბ;მ;
2-3- წელი -- ი;უ; ფ;ვ; ტ;დ;ნ;გ;კ;ხ;
3-5 წელი --- ს;ზ;ც;შ;ჟ;ჰ
5-6- წელი --- რ;ლ

 გაგზავნილია: 02.04.11 13:04. სათაური: ლოგ..

ლოგოპედია-ლამაზად მეტყველების ხელოვნებაა!!!

კაცობრიობის ენების შექმნაში უფლის ხელი ურევია. აი, რატომ არის ადამიანთა ენა სამყაროს ერთ-ერთი საოცრება. ღმერთმა ადამიანი იმით გამოარჩია , რომ ენა ჩაუდგა, ანუ მეტყევლების უნარი მიანიჭა. რატომ დაერქვა ადამინის მეტყველებას მიანცდამაინც ამ ფიზიკური ორგანოს სახელი? უთუოდ იმიტომ, რომ იმ ორგანოებიდან, რომლებიც ბგერების წარმოთქმაში, ანუ მეტყველებაში მონაწილეობენ, ყველაზე აქტიური სწორედ ენაა. ამიტომ გვაქვს ქართული ენა, ინგლისური ენა, ფრანგული ენა....... ადამიანი სამყაროს ენის მეშვეობით შეიცნობს.ბავში ენის ამოდგმისთანავე იწყებს კითხვების დასმას:ეს რა არის? ამას რა ქვია? ამ კითხვების პასუხად ის თანდათან ეცნობა მშობლიურ გარემოს..მაგრამ იმისათვის, რომ ბავშვმა სწორედ და ლამაზად მეტყეველბა შეძლოს აუცილებელია გამართულად მუშაობდეს არა ამრტო ენა არამედ, სხვა სამეტყველო ორგანოებიც:
1.ბაგეები.
2. კბილები
3.ენა
4.სასა
5.რბილი სასა.
6.ხახა.
7.ხორხი.
8.ცხვირის ღრუ
9. სახმო სიმები
ნორმის ფარგლებში იყოს ფიზიოლოგიური და ფონეტიკური სმენა.

 გაგზავნილია: 03.04.11 10:44. სათაური: ძალ..

ძალიან ხშირია მშობლების დაინტერესება ლოგონერვოზისა და მისი გამომწვევი მიზეზების ირგვლივ, ამიტომ შევეცდები გარკვეული ინფორმაცია მოგაწოდოთ ამ ნაკლის შესახებ

ენა ბორძიკობა(ლოგონერვოზი)

---ეს არის სამეტყველო ტემპისა და რითმული ორგანიზაციის დარღვევა. ენაბორძიკობა ძრითადად ვლინდება2დან 5 წლის ასაკამდე(სალაპარაკო მეტყველების ინტენსიური განვითარების პერიოდში) დღესდღეობით მიჩნეულია, რომ ენაბორძიკობასთან ბრძლა გამოვლენისთანავე უნდა დაიწყოს, დასაწყის სტადიაში ეს ფორმა ატარებს იოლ ხასაითს,მაგრამ თავიდან ოდნავ დაწყებული ენაბლუობა თანდათან რთულდება,და რაც უფრო მეტი დრო გადის ენაბლუობის დაწყებიდან მით მეტად ხდება მისი მეტყველებაში განმტკიცება და ბავშვის ფსიქიკის ჩათრევა, იგი ხელს უშლის ბავშვის კომუნიკაციურ ურთიერთობას და იწვევს გარკვეულ სირთულეებს სწავლაში.ენის ბორძიკს თითქმის ყოველთვის სდევს თან დაძაბულობა, შფოთვა და შიში მეტყველების დაწყების წინ.
ჯანმრთელი ადამიანი საუბრის 7-10%-ს შესვენებებით ახორციელებს - იმეორებს ცალკეულ სიტყვებს ან ფრაზებს, ურთავს ბგერებს "ე-ე", "მ-მ", შორისდებულებს, - მაგრამ თუ საუბრისას შესვენებამ 10%-ზე მეტი შეადგინა, საქმე ენაბორძიკობასთან გვაქვს.
ენაბორძიკობა სკოლამდელი ასაკის ბავშვების 2,5%-ს ახასიათებს. მსოფლიოს მოსახლეობის 5%-ს ბავშვობაში მცირე ხანს მაინც ჰქონია ეს პრობლემა. ზრდასრული მოსახლეობის დაახლოებით 1%-ს ენა ებმის, აქედან 80% მამაკაცია, 20% - ქალი.

გამოყოფენ ენაბორძიკობის გამომწვევ მიზეზთა 2 ჯგუფს,
1)
მიდრეკილების მქონე მიზეზთა ჯგუფში შედიან:
ა) მშობელთა მძიმე ნერვიული მდგომარეობა.( ნერვიული, ინფექციური და სომატური ავადმყოფობები, რომლებიც ახდენენ ცსნ-ის დაზიანებას)

ბ) თვით ბავშვის ნერვოპათოლოგიური მდგომარეობა... ღამის შიშების,ემციური დაძაბულობა, ენურეზი, მომენტალური გაძიერებული გაღიზიანებადობა)

გ) კონსტიტოციანოლური მიდრეკილება , მიდრეკილება ფსიქიკური ტრამვების მიმართ.

დ) მემკვიდრეობით დატვირთვა (სამეტყველო აპარატის თანდაყოლილი სისუსტე, რომელიც შეიძლება გადაეცეს მემკვიდრეობით, როგორც რეცენსიური ნიშანი)
მეორე ჯგუფი
2)
მაწარმოებლის მიზეზების ჯგუფში გამოყოფენ ფსიქიკურ და სოციალურ მიზეზებს:


ა) ანატომიურ-ფიზიოლოგიური მიზეზები--ფიზიკური დაავადებები, რომლებიც იწვევს ენცეპალოფატიებს. ტრამვები მუცლადყოფნის პერიოდში ან სამშობიარო ტრამვა(ასფიქსია).ტვინის შერყევა, ტვინის ორგანული დაავადებები.ბატონები, მუცლის ჭია,ნერვუილი სისტემის გადაღლა.

ბ) ხანმოკლე ერთჯერადი ტრამვა,(შეშინება) ხანგძლივად მოქმედი ფსიქიკური ტრამვა-ანუ ბავშვის არასწორი აღზრდა, რაც გულისხოსბ, განებივერბასაც, მუდმივ და გადაჭარბებულ სურვილს"სამაგალითო" ბავშვის აღზრდისას) ხანგძლივი ფსიქიკური ნერვიული მდგომარეობა. ძლერი უეცარი ელდა,ან გადაჭარბებული სიხარული..

ენის ბორძიკი სამეტყველო აპარატის (ენა, ტუჩები, რბილი სასა, ქვედა ყბა) კუნთების კრუნჩხვითი მოძრაობის შედეგია. კუნთების რამდენიმე ხანმოკლე შეკუმშვა ცალკეული ბგერებისა და მარცვლების უნებლიე გამეორებას (კლონური ენაბორძიკი) იწვევს, ძლიერი ხანგრძლივი შეკუმშვა კი - მეტყველების შეფერხებას (ტონური ენაბორძიკი). ხშირია ენაბორძიკის შერეული ფორმა - ორივეს შერწყმა. ზოგჯერ მეტყველების აპარატის კუნთების კრუნჩხვით მოძრაობებს სახისა და კიდურების კუნთების შეკუმშვაც ერთვის.ბავშვობაში მეტყველების არასწორი ფორმირება.ამ ცენტრების შეთანხმებული მუშაობის შედეგია მეტყველების ცენტრის ფორმირება: ხმის ცენტრი ფრაზების წარმოთქმის საშუალებას გვაძლევს და თან სმენის ცენტრს ააქტიურებს; სმენის ცენტრი აღიქვამს ლაპარაკს და ასოციაციურ ცენტრს უბრძანებს, იფიქროს, ეს უკანასკნელი კი დაფიქრების შემდეგ ააქტიურებს ხმის ცენტრს და ა.შ.
ენაბორძიკის მიზეზი თავის ტვინში მდებარეობს. სწორედ იქ არის მეტყველებაზე პასუხისმგებელი ნერვული ცენტრები:

ბროკის ცენტრი - ხმის ცენტრი. პასუხისმგებელია მეტყველებაში მონაწილე კუნთებისა და იოგების მუშაობაზე, აწესრიგებს ენის მოძრაობასა და ხმის იოგების ფუნქციებს;
ვერნიკის ცენტრი - სმენის ცენტრი. მისი მეშვეობით ვცნობთ სხვებისა და საკუთარ მეტყველებას;
ასოციაციური ცენტრი - აანალიზებს ნათქვამს და გადაწყვეტილებას იღებს შემდგომი საუბრის თაობაზე.

ენაბორძიკობას საფუძვლად ამ ცენტრების შეთანხმებული მუშაობის დარღვევა (სხვადასხვა სიჩქარით მუშაობა) უდევს. 2-5 წლის ბავშვებს მეტყველების ცენტრები და მათი სინქრონული კავშირი ჯერ კიდევ ჩამოუყალიბებელი აქვთ, რაც არცთუ იშვიათად ენებორძიკობის პროვოცირებას ახდენს.
ენაბორძიკობის მექანიზმი თანამედროვე მედიცინას დაახლოებით ასე წარმოუდგენია: ნერვული სისტემის ზემოხსენებული ცვლილებები ბროკის ცენტრის გადაძაბვას იწვევს, მისი მუშაობის სიჩქარე იმატებს და მეტყველების ცენტრებს შორის არსებული კავშირი დროებით წყდება. გადაძაბვა გადაეცემა ბროკის ცენტრის გვერდით მდებარე თავის ტვინის ქერქის იმ უბნებს, რომლებიც მოძრაობის აქტივაციაზე აგებს პასუხს. შედეგად აღმოცენდება კუნთების კრუნჩხვითი მოძრაობები და ადამიანს ენა ებმის, ხოლო ბროკის ცენტრი ნორმამდე დუნდება და მეტყველების ცენტრებს შორის არსებული წრე კვლავ იკვრება.
ნერვული სისტემის გადაძაბვისას ნერვული იმპულსები და თანხმოვანი (განსაკუთრები - ყრუ) ბგერების სიხშირეები თვისობრივად ახლოს დგას ერთმანეთთან, ამიტომ ადამიანს ენა ებმის უმეტესად - თანხმოვნების, ძალიან იშვიათად - ხმოვნების წარმოთქმისას.
ენაბორძიკობისას მეტყველების დარღვევა სხვადასხვა სახისაა: შესაძლებელია ბგერების ან მარცვლების გამეორება, სიჩუმის ბლოკები, ბგერების არაბუნებრივი გაწელვა (გახანგრძლივება). ენაბორძიკობას თან სდევს დაძაბულობა და შფოთვა, სახის მიმიკის ცვლილებები და ტიკები.
არარიტმული და არათანმიმდევრული მეტყველება 2-7 წლის ასაკში ნორმად ითვლება, მაგრამ ბავშვს თუ ენა მეტისმეტად ხშირად ებმის და ამ დროს შესამჩნევად შფოთავს, შესაძლოა, ენაბორძიკობასთან გვქონდეს საქმე.
ენაბორძიკობის დასაწყისზე მიუთითებს შემდეგი ნიშნები:

მარცვლების ხშირი გამეორება;
ბგერების გაჭიანურება;
ხშირად საუბრისთვის თავის არიდება;
სახისა და ყელის კუნთების დაძაბულობა;
საუბრისას მოულოდნელად ხმის ტემბრის აწევა.
არსებობს რამდენიმე მეთოდი, რომელთა დახმარებითაც შეიძლება, ბავშვებში ენაბორძიკობის განვითარების ალბათობა შევამციროთ:

ბავშვს ესაუბრეთ ნელა და რიტმულად;
საუბრისას გააკეთეთ პაუზა, განსაკუთრებით - იმ მომენტში, როდესაც ბავშვმა უკვე დაასრულა ფრაზა, თქვენ კი ჯერ არ დაგიწყიათ. ეს ბავშვს კიდევ რამის თქმის საშუალებას მისცემს, თქვენ კი ამ ხნის განმავლობაში შეგიძლიათ იმაზე იფიქროთ, რისი თქმა სურს თქვენს პატარას.
ბავშვს ნაკლები შეკითხვა დაუსვით და იშვიათად მიმართეთ ბრძანების კილოთი. უმჯობესი იქნება, თუ თხოვნასა და შეკითხვას დაიწყებთ სიტყვებით: ,,მოდი...", ,,როგორ ფიქრობ....", ,,შენი აზრით..."

2-4- წლის ბავშვებში ხშირად გვხვდება ბგერების ან სიტყვების გამეორება, ეს გამოწვეული შეიძლება იყოს სიტყვათა მარაგის უკმარისობით, გადმოსაცემი ემოციის მოძალებით.მაგრამ თუ ეს მეორდება სისტემატურად აუცილებლად მიმართეთ სპეციალისტს. მოახდინეთ ჩარევაა!!!ენაბორძიკობის მკურნალობა ლოგოპედის პრეროგატივაა. თუ მიზეზი ფსიქიკური ტრავმაა, შესაძლოა, ლოგოპედმა ბავშვი ფსიქოთერაპევტთან გაგზავნოს.
მიუხედავად იმისა, რომ ენაბორძიკობის მიზეზები და მექანიზმი ცნობილია, მისგან მყისიერი განკურნების საშუალება ჯერ კიდევ არ არსებობს. დღესდღეობით ენაბორძიკობის მკურნალობა ბროკის ცენტრის ნორმალიზებას ითვალისწინებს.

 გაგზავნილია: 04.04.11 19:37. სათაური: დღე..

დღეს მინდა ბგერათწარმოთქმის დარღვევის ერთ-ერთ ყველაზე გავრცელებულ ფორმაზე, დისლალიაზე, გესაუბროთ

დისლალია

არის ,ბგერათწარმოთქმის დარღვევა, ფიზიოლოგიურად ჯანმრთელი სმენისა და სამეტყველო აპარატის არსებობის პირობებში...
..ანუ,
ბავშვს აქვს სიტყვათა მარაგის საკმაო რაოდენობა, შეუძლია გადმოსცეს აზრი, შეადგინოს წინადადება, მაგრამ დარღვეული აქვს ბგერათწარმოთქმის სისწორე..ამის მიზეზი შეიძლება იყოს არასწორედ განვითარებული სამეტყველო აპარატი; ჩამოუყალიბებელი ფონეტიკური სემნა(ანუ მსგავსი ბგერები ერთნაირად ესმის,ამიტომ ასევე გამოთქვამს)
საარტიკულაციო აპარატის თავისებური განვითარების გამო ხანდახან ცდილობს მოძებნოს საჭირო ბგერასთან მიმგვანებული ბგერა, და ქმინის ამ ბგერის საკუთარ ვარიანტს...
თუ 3-4- წლის ბავშვს შეუძლია დაუშვას ბგერათ ჩანაცველბა ან საკუთარი ვარიანტით საუბარი, მაგალითად -კარგია -კალგია,რვეული- ლვეული; ძველი- ზველი და ა.შ უკვე, განვითარებული ფონეტიკური სმნეის პირობებში, ბავშვებს კარგად ესმით რომ , სიტყვის აზრი მის შემადგენლობაზეა დამოკიდებული...

თუ ბავშვის ფონეტიკური სმენა კარგად არაა ჩამოყალიბებული , მაშინ მის საუბარში შესაძლებელია აღინიშნებოდეს ბგერათჩანაცვლება, მიუხედავად იმისა რომ ის იმ ბგერასაც კარგად გამოთქვამს, რომელსაც ანაცვლებს სხვა ბგერით, უბრალოდ, ვერ ახერხებს მათ სმენით განსხვავებას , ამიტომ ვერ ხვდება აღნიშნულ სიტყვაში რომელი ბგერა გამოიყენოს.

ფონეტიკური სმენის უქონლოიბამ შეასძლებელია შემდეგში გამოიწვიოს, სერიოზული პრობლემები, კითხვისა და წერის დროს...
გართულების შემთხვევაში იწვევს დისლექსაის და დისგრაფიას...

 გაგზავნილია: 04.04.11 20:12. სათაური: როგ..

როგორ მივეხმაროთ პატარას დაიმახსოვროს თითების სახელები???

ამაში კარგად დაგვეხმარება ჩვენი ძველის-ძველი და კეთილი ხალხური თამაში "ანა თითი ბანა თითი, რომელია შუა თითი?"
მერწმუნეთ თქვენი პატარისათვის თითების ასე ერთად დაწყობა და შემდეგ მეორე ხელით მათი დამალვა არცთუ ადვილად დასაძლევი ამოცანა იქნება , მაგრამ ის საუკეთესო ვარჯიშია- როგორც მეტყველებისათვის(იმახსოვრებს ტექსტს), განზოგადების უნარის ჩამოყალიბებისათვის(იმახსოვერბს თითების სახელებს და ცდილობს მათ განსხვავებას) ასევე წვრილი მოტორიკის ჩამოყალიბებისათვის :)


სტიმულირებისათვის ამ თამაშს შეგვიძლია მივცეთ შეჯიბრის სახე- გამოვიწვიოთ პატარა შეჯიბრში, მე უფრო ბევრჯერ გამოვიცნობ სადაა შუა თითი თუ შენ??დედააა ნუთუ შემეშალა?რომელი თითი დავიჭირე??? ნეკიიიიიი ყვირის პატარა...უფ, როგორ შემეშალა?! მოდი კიდევ ვცადოთ... და ა.შ.
მოკლედ, თან სასიამოვნოდ გაატარებთ დროს თქვენს პატარასთან, თან ბევრ რამეს ასწავლით...ანუ მივიღებთ ფორმულას
საისამოვნოს + სასარგებლო :)))

*********

ძალიან სასიამოვნო და მხირული თამაში გამოდის ასევე პატარა ფერად წებოვანა ქაღალდებზე დახატეთ სხვადასხვა ემოციის სახე, და შემოაწებეთ ბავშვს თითზე ისე, რომ თითები სახით მისკენ იყვნენ, შემდეგ კი თამაშში შეგიძლიათ ჩართოთ საკუთარი ფანტაზია, დაარქვით სახელები თითებს, ატარეთ ერთმანეთთან სტუმრად, ჩაახუტეთ ან აჩხუბეთ ერთმანეთს ორ-ორი, ან ცერი სხვა დანარჩენებს, ეს ძალაინ კარგი ვარჯიშია თითებისათის :)(თუ ბავშვის ასაკი ამის საშუალებას იძლევა, მაშინ მიეცით მის ფანტაზიას "გზა ფართო" და თვითონვე გამოიგონოს ამბავი მხიარულ თითებზე...თვითოეულ თითს დაარქვას სახელი ზედ გამოსახული ემოციიდან გამომდინარე, მაგ:მტირალა, კისკისა, ბღვერია და ა.შ.

 გაგზავნილია: 10.04.11 17:27. სათაური: qalbatono qeti! chem..

qalbatono qeti!
chemi shvili metkvelebis dros ikenebs rbil "L"-s, mainteresebs rogor sheidzleba davdzliot es problema? =)

 გაგზავნილია: 11.04.11 21:03. სათაური: გამ..

sopo пишет:

ციტატა:

qalbatono qeti! chemi shvili metkvelebis dros ikenebs rbil "L"-s, mainteresebs rogor sheidzleba davdzliot es problema? =)

გამარჯობათ ქალბატონო სოფო, საინტერესო და დღეს-დღეობით საკმაოდ პრობლემატურ საკითხს შეეხეთ, ამ შეკითხვას ძალიან ხშირად სვამენ ჩვენი ბაღის აღსაზრდელების მშობლებიც.
ლ ბგერის , ისევე როგორც ყველა სხვა ბგერების წარმოთქმას გარკვეული არტიკულაციური მზაობა სჭირდება.

ბგერა ლ -თანხმოვანია, მჟღერი,მაგარი.

ლ ბგერის სწორი წარმოთქმის დროს არტიკულაციური აპარატი ღებულობს შემდეგ მდგომარეობას:

ტუჩები ოდნავ გახსნილია, უჭირავთ ნეიტრალური მდგომარეობა, ან იღებენ ლ-ს შემდგომი ხმოვნის მდგომარეობას, კბილები უმნიშვნელოდ გახსნილია,ქვედა ყბა დაწეული,რბილი სასა აწეული,ენის წვერი ებჯინება ზედა კბილებს,ხდება ხშვა, ენის შუა და გვერდითი ნაწილები ოდნავ დაწეულია, ჰაერნაკადი გამოდის გვერდებისა და კბილებს შუა.სახმო სიმები დაჭიმულია.

რბილი ლ- კი გამნოირჩევა მაგარისაგან შემდეგით:
ტუჩები ღიმილშია.ენის შუა ნაწილი მეტადაა აწეული და ალვანებს ებჯინება, შუა და უკანა მხარე აწეულია და წინ წამოწეული, რაც გვაძლევს ბგერის დარბილებას.
სწორი ბგერის მისაღებად აუცილებელია გარკვეული არტიკულაციური ვარჯიშები, ფონეტიკური სმენის დამუშავება და თანმიმდევრულ მეტყველებაში მისი სწორი არტიკულაციის ავტომატიზაციისათვის საჭირო სავარჯიშოები. ასე რომ, სასურველია, თქვენს პატარასთნ აღნიშნული პრობლემის დასაძლევად სპეციალისტმა იმუშაოს.

 გაგზავნილია: 12.04.11 19:47. სათაური: dzalian didi madloba..

dzalian didi madloba dakhmarebisatvis...

 გაგზავნილია: 17.04.11 15:41. სათაური: QALBATONO QETI AM BO..

QALBATONO QETI
AM BOLO DROS SEVAMCNIE, ROM CEMI VAJI ARASWORAD WARMOTQVAMS:S DA Z BGEREBS. SEIZLEBA TU ARA ES PROBLEMA GAMOWVEULI IKOS WINA KBILIS AMOGEBIT?

WINASWAR GIXDIT MADLOBAS KONSULTACIISATVIS!!!

 გაგზავნილია: 17.04.11 16:31. სათაური: :))) ს,ძ..

:))) ს,ზ,ც,წ, და ძ ბგერები სისინა ბგერების რიგს მიეკუთნებიან, მათ წარმოთქმაში აქტიურად მონაწილეობს როგორც ენა, ასევე კბილები- კბილთაშორის ნაპრალი სავარაუდოდ 1-2 მმ-ია, წინა კბილების მთლიანობის დარღვევა იწვევს ნაპრალის გადიდებას- ხდება არასწორი ხშვა, ამის გამო კი ხდება სისინა ბგერების არაწორი გაჟღერება. ასე რომ, თქვენი შვილის სამეტყველო პრობლემა გამოწვეულია კბილების ამოღებით.

 გაგზავნილია: 07.05.11 21:08. სათაური: ჩვე..

ჩვენ არაერთხელ გვისაუბრია წვრილი მოტორიკის განვითარების როლსა და მნიშვნელობაზე სამეტყველო(და არა მარტო) განვითარების საქმეში.

ალბათ ამის შემდეგ ბევრჯერ დაკვირვებიხართ თქვენი შვილების მოტორიკას და გაგჩენიათ კითხვა- როგორ მივხვდე, არის თუ არა ჩემი პატარის წვრილი მოტორიკა ასაკთან შესაბამისობაში?! მოგახსენებთ-

წვრილი მოტორიკის განვითარების ძირითადი ეტაპები:

8-12 თვე: ბავშვი იღებს პატარა საგნებს ორი თითით(ცერა და საჩვენებელი თითების ბოლოებით)

8-13 თვე: ბავშვი აცალკევებს საგნებს, თან დაკვიურვებით უყურებს, გააქტიურებულია მხედველობაც...

10-12 თვე: ბავშვს ერთი ხელით უჭირავს სათამაშო, ხოლო მეორე ხელით ეთამაშება მას :)

10-13 თვე: ბავშვი იგივე საგნებით იმეორებს უფროსის მიერ გაკეთებულ მოძრაობებს(მაგ: აგორებს მანქანას; ტელეფონის ყურმილი მიაქვს ყურთან და ა.შ.)

11-14 თვე: თუ ხელში ჩაიგდებს ფანქარს ცდილობს დაატოვებინოს კვალი :) ....

12-18თვე: შლის წიგნის ფურცლებს(რა თქმა უნდა ბევრ- ბევრს ერთად:))უჭირავს ფანქარი, შეუძლია დაიჭიროს საკუთარი ჭიქა , ბოთლი, კოვზი ;შეუძლია
გახსნას ქაღალდში ან ნაჭერში გახვეული ნივთი;

13-18თვე: ბავშვს შეუძლია დააყენოს კუბიკი კუბიკზე..

14-16 თვე:შეუძლია შეართოს გარკვეული საგნები, მოუშვას ან მოუჭიროს პატარა ქანჩები,ამას აკეთებს მხედველობის აქტიური კონტროლის ქვეშ.

15-18 თვე: აწყობს კუბიკების პირამიდას.

17-20 თვე: შლის წიგნს უკვე თითო-თითო ფურცლობით.

17-24 თვე: შეუძლია ხელი სტაცოს მოძრავ საგნებს.

18-24 თვე: შეუძლია პატარა ნახვრეტებში ,პატარა საგნების ჩაყრა, ხევს ფურცელს. .

20-24 თვე: ცდილობს გააჩეროს მოძრავი ბურთი, წამოაცვას მსხვილი ბურთი ძაფზე

21-22 თვე: პატარა ცდილობს სითხე გადაასხას ერთი ჭურჭლიდან მეორეში

22-24 თვე:პატარა უკვე 4-6 კუბიკს ადგამს ერთმანეთს....

1,5 – 2,5 წლის ბავშვებს კი შეუძლიათ უფრო რთული მოქმედებების შესრულება, მაგ:
– ღილების შეკვრა;
– ნასკვის შეკვრა და გახსნა ;
– წვრილი ყელიანი ჭურჭლიდან მსხვილყელიანში სითხის გადასხმა და პირიქითაც....

წვრილი მოტორიკის კარგად განვითარებისათვის აუცილებელია- მათი პატარა ხელუკები საინტერესო და სასარგებლო საქმიანობაში ჩავრთოთ, უვარჯიშოთ და ვუმასაჟოთ ხელები,ეს ადრეული 2-3 თვის ასაკიდან შეგვიძლია დავიწყოთ.
ამისთვის კარგად გამოდგება, ჩვენი ძველი, კეთილი თამაში
"ბოლია- ბოლია"3-5 წუთის განმავლობაში. წრიულ მოძრაობებით ხელისგულზე ცერა ან საჩვენებელი თითით, თითების გაშლა-მოხრა. თითუნების დაზელა წრიული მოძრაობით თითის ბოლოდან წვერისკენ ,ხელისგულიდან ფრჩხილისკენ.
პიანინოს დაკვრა პაწაწუნას ხელისგულებზე.
დაისვით თქვენს პირდაპირ, ხელში დააჭერინეთ პატარა კაუჩუკის ბურთი, მოიქციეთ მისი ხელები თქვენს ხელისგულებზე და წრიული მოძრაობა აკეთებინეთ ბურთით ხელისგულებზე.
"ფისოი-ფისო"გაშლილ ხელისგულზე დაიდეთ მისი ხელი, მეორე ხელით კი ეფერეთ ჯერ მის ხელის ზურგს, შემდეგ გადმოაბრუნეთ და იგივე გაიმეორეთ მის ხელისგულებზეც...ასე ჯერ ერთ და შემდეგ მეორე ხელზე.
თან შეგიძლიათ მოძრაობასთან სინქრონში ნებისმიერი, მარტივი, ლექსი მოუყვეთ...მაგალითად:
ფისო , ფისო, ფისო,
ფისო უსინდისო,
შენ რომ თევზი მოგიპარავს
იმის სუნი გდისო...
ეს მასაჟ-თამაში კარგია მოზრდილ ასაკშიც, ოღონდ უმატებ დარტყმით მოძრაობას(ეს ავარჯიშებს ბავშვის ყურადღების მობილიზების უნარს, ნათქვამის სწრაფ გააზრებას და მოქმედების რეაქციის სისწრაფეს)
ფისო, ფისო, ფისო, ფისო (მოფერებითი მოძრაობა რამდენჯერმე)
პაც!!!( ოდნავი დარტყმა მოულოდნელად...ბავშმა უნდა მოასწროს ხელის გაწევა დარტყმამდე )

 გაგზავნილია: 08.05.11 11:28. სათაური: keti, me tkveni bagt..

keti, me tkveni bagtan shekheba ar makvs, shemtkhvevit vipove es saiti da dzalian damainteresa tkvenma gankofilebam.myavs 12 wlis shvili, bavshvi imdenad chqara laparakobs, rom khandakhan sheudzlebelia misi metkvelebis gageba, ra problemaa es da rogor sheidzleba misi dadzleva?

 გაგზავნილია: 08.05.11 18:37. სათაური: irina пишет: keti,..

irina пишет:

ციტატა:

keti, me tkveni bagtan shekheba ar makvs, shemtkhvevit vipove es saiti da dzalian damainteresa tkvenma gankofilebam.myavs 12 wlis shvili, bavshvi imdenad chqara laparakobs, rom khandakhan sheudzlebelia misi metkvelebis gageba, ra problemaa es da rogor sheidzleba misi dadzleva?

გამარჯობათ ირინა, მიხარია რომ ჩემმა თემამ დაგაინტერესათ :) რაც შეეხება თქვენს პრობლემას-სამწუხაროდ მწირია ინფორმაცია, სასურველია მცოდნოდა მხოლოდ მეტყველების ტემპია ზედმეტად აჩქარებული თუ არღვევს სიტყვათა შედმადგენლობას, წინადადების წყობას, არ ასრულებს სიტყვებს? რადგან დაწერეთ, რომ ხანდახან არის შეუძლებელი მისი მეტყველების გაგება,ჩავთვალე, რომ, სავარაუდოდ საქმე გვაქვს ტაქილალიის შედარებით მსუბუქ ფორმასთან პოლტერნთან. აჩქარებული მეტყველება არის მეტყველების თავისებური ნევროზი.ჩვეულებრივი მეტყველების დროს თუ წამში 10-12 ბგერაა, აჩქარებული მეტყველების დროს მათი რაოდენობა 20-30-ს აღწევს.ეს დარღვევა თავისი ბუნებით ძალიან ჰგავს ენაბლუობას ,მაგრამ ამ დროს კუნთის კრუნჩხვებს ადგილი არ აქვს და მეტყველებაზე ყურადღების გამახვილების დროს,ენაბლუობის შემთხვევაში, მეტყველება უარსდება. ტაქილალიის დროს კი უმჯობესდება.
მეტყველების ეს ფორმა დეფექტურია და სასურველია სათანადო ღონისძიებების სწრაფად გატარება, რადგან უყურადღებობის გამო ეს ნაკლი უკეთეს შემთხვევაში მთელი ცხოვრება დარჩება, უარეს შემთხვევაში კი არის დიდი საშიშროება ჩამოყალიბდეს ნამდვილი ენაბლუობა. საჭიროა თანმიმდევრული და აქტიური მუშაობა- უნდა მოხედეს რიტმული სუნთქვისა და ხმის განვითარება. ნელი, მკაფიო და გამომხატველობითი კითხვის ჩვევების ჩანერგვა. ნელი, რიტმული,მშვიდი მეტყველების ჩვევის გამომუშავება და მისი გამოყენება საზოგადოებასთან ურთიერთობის დროს. საერთო და სმენითი ყურადღების განვითარებაზე მუშაობა. ასე, რომ საჭიროა სასწრაფოდ მიმართოთ სპეციალისტს.
ასეთი ბავშვები ძირითადად ადვილად აღგზნებადობითაც გამოირჩევიან ამიტომ ასევე სასურველია კონსულტაციისათვის მიმართოთ ნეიროფსიქოლოგს.

 გაგზავნილია: 06.10.11 20:17. სათაური: ახა..

 გაგზავნილია: 08.10.11 17:49. სათაური: http://s49.radika..

 გაგზავნილია: 09.10.11 09:48. სათაური: სწƯ..

სწორად სუნთქვა

ეს ის აუცილებელი კომპონენტია, რომელზეც დამოკიდებულია ბავშვის, როგორც ფიზიკური ასევე ინტელექტუალური განვითარება.
ასევე სწორად სუნთქვაზეა დამოკიდებული ბავშვის თანმიმდევრული მეტყველების განვითარება.ხმის ტემბრისა დასიძლიერის ჩამოყალიბება. სამწუხაროდ ხშირად მშობელი არ უთმობს სათანადო ყურადრებას აღნიშნულ პრობლემას.არადა სულ მცირედი დარღვევაც კი ცხვირით სუნთქვის სისტემაში არასასურველად აისახება ორგანიზმზე- ბავშვი ხომ წუთში 20- ჩასუნთქ-ამოსუნთქს აკეთებს-დაბრკოლების შემთხვევაში ხდება პირით სუნთქვა- ეს კი გარდა იმისა , რომ იწვევს ბევრ გვერდით მოვლენას პატარას ორგანიზმში- არის არასწორად სუნთქვის ჩვევის ჩამოყალიბება.....თუ თქვენი პატარა, კიბეზე ასვლის, ვარჯიშის, ფიზიკური დატვირთვის,თამაშისა თუ ძილის დროს ხშირად არის პირ ღია,თუ აღენიშნება გახშირებული სუნთქვა,ღია ფერის კანი,მოთენთილობა-ეს ნიშნავს, რომ გვაქვს სუნთქვის პრობლემა-აუცილებელია სასწრაფოდ გავიაროთ ოტოლარინგოლოგთან კონსულტაცია....
ხოლო შემდეგ ვასწავლოთ ჩვენს პატარას ცხვირით, სწორად სუნთქვა.სპეციალური ვარჯიშების საშუალებით მოვახდინოთ სასუნთქი აპარატის კუნთების გამაგრება.
ცხვირის კუნთების აქტივაციისათვი და მათი გამაგრებისათვის რამდენიმე მარტივ სავარჯიშოს მოგაწოდებთ.
დავაყენოთ ბავშვი გამართულად,იყურება წინ

1) საჩვენებელი თითით იხურავს ცხვირის მარჯვენა ნესტოს და შესუნთვა-გამოსუნთქვას აკეთებს ამრცხენა ნესტოთი -იწყებთ 2 ჯერ და შემდეგ ზრდით როადენობას 5-6 მდე -
2) ეხლა ცხვირის მარცხენა ნესტოა დახშული და სუნთქვა ხდება მარჯვენა ნესტოთი.
3) დავხუროთ მარცხენა ნესტო- შევისუნთქოთ მარჯვენა ნესტოთი,დავხუროთ მარცხენა გამოსუნთქი გავაკეთოთ მარჯვენა ნესტოთი ...და პირიქით-
4) ფეხები მხრების სიგანეზე-ავწიოთ ხელები ნელა მაღლა (ხელიგულიები ზემოთ) შევისუნთქოთ ცხვირით, დავწიოთ ხელები, ამოსუნთქი ცხვირით....
5) დავხუროთ პირი, ღრმად ჩავისუნთქოთ ცხვირით და ნელი, გრძელი ამოსუნთქვისას ამვაყოლოტ ბგერა -მ-

 გაგზავნილია: 26.10.11 18:03. სათაური: qalbatono qeti tu ar..

qalbatono qeti tu aris shesadzlebeli s,z,w,c,bgerebis(anu sisina bgerebis) warmotkmis gamoscoreba, risi gaketeba shedzleba

 გაგზავნილია: 26.10.11 20:04. სათაური: გამ..

 გაგზავნილია: 09.11.11 20:48. სათაური: qalbatono keti tu si..

qalbatono keti tu sisina bgerebis warmotkma uchirs mozrdil adamians, sheidzleba tu ara misi gamoscoreba? da ra sheidzleba ikos amis mizezi .

 გაგზავნილია: 15.11.11 21:19. სათაური: nino пишет: qalbato..

nino пишет:

ციტატა:

qalbatono keti tu sisina bgerebis warmotkma uchirs mozrdil adamians, sheidzleba tu ara misi gamoscoreba? da ra sheidzleba ikos amis mizezi

ბოდიში ქალბატონო ნინო პასუხის დაგვიანებისათვის, არ ვიცი თქვენი შეკითხვა აქამდე როგორ გამომრჩა მხედველობის არიდან...

მოზრდილი ადამინის შემთხვევაშიც ბგერათწარმოთქმის დარღვევის მიზეზი იგივეა რაც მოზარდობის ასაკში, ანუ არ ხერხდება ამ ბგერის წარმოთქმისათვის აუცილებელი არტიკულაციური მოწყობა, რაც იწვევს მის არასწორ ჟღერადობას. ამ ასაკშიც სწორი მეტყველების დაუფლების, ერთ-ერთი აუცილებელი ბირთვია ნორმალური ფონეტიკური სმენა, ბგერის სმენით გაცნობიერების პარალელურად საჭიროა ამ ბგერის სწორი არტიკულაციის მხედველობითი აღქმა...
ანუ ბგერების დაყენება- კორექციისათვის აუცილებელი მოდელი ასეთია:
1- ვუნვითარებთ ფონეტიკურ სმენას...
2- ვაცნობიერებინებთ, რომ აღნიშნულ ბგერას არასწორად წარმოთქვამს....
3- სარკის წინ ვაჩვენებთ სწორ არტიკულაციას და ვცდილობთ მივიღოთ მისგანაც იგივე(თუ ვამჩნევთ , რომ იგი სამეტყველო ორგანოების ზუსტ, დიფერენცირებულ მოქმედებას ვერ ახერხებს ,მაშინ ეს მდგომარეობა მოითხოვს საგანგებო საარტიკულაციო ვარჯიშების ჩატარებას.) მივაღწევთ რა სწორი ბგერის წარმოთქმას, ლოგოპედიური მუშაობის პირველი ეტაპი დასრულებულია....გადავდივართ მეორე ეტაპზე- რაც თავის თავში მოიცავს- აღნიშნული ბგერის ჩამაგრება-ჩართვას....
ბგერის ავტომატიზაცია ხდება: მარცვალში, სიტყვაში და შემდეგ ფრაზაში.....
სისინების ჩამგრებას ვიწყებთ- ა- ხმოვანთან- ვაგრძელებთ ე, და ი ხმოვნებთან......და შემდეგ დანარჩენებთან
მოზრდილ ასაკში ამ ყველაფრის გაკეთება შედარებით რთულია, რადგან ამ შემთხვევაში გარდა იმისა, რომ ვებრძვით დარღვეულ ფონეტიკურ სმენას, მოდუნებულ სამეტყველო კუნთს, თუ არასწორ თანკბილვას.... ასევე საქმე გვაქვს ცუდად მეტყველების კარგად გამჯდარ ჩვევასთან.... ანუ გვიხდება "ცუდ ჩვევასთან" ბრძოლაც, რაც არცთუ ადვილი საქმეა-- თუმცა, თუ პაციენტის მხრიდან მონდომება და შრომისუნარი დიდია, შეუძლებელი არაფერია....

 გაგზავნილია: 04.12.11 19:05. სათაური: მყა..

მყავს 3 წლის შვილი , რომელიც მხოლოდ თითო-ოროლა სიტყვას ამბობს, წინადადებებს თითქმის არ წარმოთქვამს. მისი თანატოლები კი უკვე გამართულად ლაპარაკობენ. რისი ბრალია ეს?

 გაგზავნილია: 06.12.11 08:53. სათაური: ანა..

ანა пишет:

ციტატა:

მყავს 3 წლის შვილი , რომელიც მხოლოდ თითო-ოროლა სიტყვას ამბობს, წინადადებებს თითქმის არ წარმოთქვამს. მისი თანატოლები კი უკვე გამართულად ლაპარაკობენ. რისი ბრალია ეს?

ენის ამოდგმას ხშირ შემთხვევაში აგვიანებენ ისეთი ბავშვები, რომლებიც ორენოვან ოჯახში იზრდებიან ან ძიძა ჰყავთ სხვა ენაზე მოლაპარაკე. თუმცა არიან გამონაკლისებიც, რომლებიც, ასეთ შემთხვევაში, ერთდროულად იწყებენ ლაპარაკს რამდენიმე ენაზე.

შეიძლება იყოს გენეტიკური ფაქტორი- გამოიკითხეთ, მშობელთაგან რომელიმემ გვიან ხომ არ ამოიდგით ენა .

თუ ეს ასეა..პირველ შემთხვევაში ესაუბრეთ ბავშვს მშობლიურ ენაზე....იმ ენაზე, რომელზეც მეტყველებს ის სოციუმი, რომელიც მის გარშემო ტრიალებს....
მეორე შემთხვევაში- მიიყვანეთ საბავშვო ბაღში და დააკვირდით,ბავშვებთან სისტემატური კონტაქტითა და აქტიური სამეტყველო გარემოს შექმნით მისი მეტყველების განვითარება წინ უნდა წავიდეს....

მეტყველების შეფერხების კიდევ ერთი მიზეზია არახელსაყრელი ფაქტორების ზემოქმედება მუცლადყოფნის პერიოდში, დაბადებისას ან სიცოცხლის პირველ წელს. ეს ფაქტორებია ტრავმები, დედის მიერ ორსულობისას მიღებული მედიკამენტები, ინფექციები, მეტისმეტად სწრაფი ან, პირიქით, გახანგრძლივებული მშობიარობა, მემკვიდრეობითი დაავადებები. მათი გავლენით ფსიქომოტორული განვითარება შესაძლოა შეფერხდეს. თუ პატარამ თავის დაჭერა, ჯდომა, დგომა, პირველი ბგერების წარმოთქმა, სიარული თანატოლებთან შედარებით გვიან დაიწყო, სავარაუდოდ, მეტყველების განვითარებაც შეფერხებული ექნება. ამ შემთხვევაში აუცილებელია, პატარას ჩაუტარდეს სრული სამედიცინო შემოწმება.შემოწმების შედეგებიდან გამომდინარე, პედიატრი, ბავშვთა ფსიქოლოგი და ლოგოპედი- მას შეუდგენენ პროგრამას, რომელიც ფსიქიკურ და მეტყველების პრობლემებს აღმოფხვრის.

 გაგზავნილია: 26.12.11 17:06. სათაური: რაư..

 გაგზავნილია: 27.01.12 02:40. სათაური: მყა..

მყავს 14 წლის გოგონა, 5 წლიდან დაეწყო ენის ბორძიკი, წინა ასოებს და მარცლებს იმეორებს, მის შემდეგ ვმუკნალობთ სხვადასხვა ნერვოპათალოგთან, ლოგოპედთანაც დამყავდა,შედეგი არ გამოიგო, იქნებ მირჩიოთ რამე, მადლობა წინასწარ

 გაგზავნილია: 27.01.12 02:40. სათაური: მყა..

მყავს 14 წლის გოგონა, 5 წლიდან დაეწყო ენის ბორძიკი, წინა ასოებს და მარცლებს იმეორებს, მის შემდეგ ვმუკნალობთ სხვადასხვა ნერვოპათალოგთან, ლოგოპედთანაც დამყავდა,შედეგი არ გამოიგო, იქნებ მირჩიოთ რამე, მადლობა წინასწარ

 გაგზავნილია: 27.01.12 02:42. სათაური: მყა..

მყავს 14 წლის გოგონა, 5 წლიდან დაეწყო ენის ბორძიკი, წინა ასოებს და მარცლებს იმეორებს, მის შემდეგ ვმუკნალობთ სხვადასხვა ნერვოპათალოგთან, ლოგოპედთანაც დამყავდა,შედეგი არ გამოიგო, იქნებ მირჩიოთ რამე, მადლობა წინასწარ

 გაგზავნილია: 29.01.12 18:06. სათაური: makuna888 пишет: &#..

makuna888 пишет:

ციტატა:

მყავს 14 წლის გოგონა, 5 წლიდან დაეწყო ენის ბორძიკი, წინა ასოებს და მარცლებს იმეორებს, მის შემდეგ ვმუკნალობთ სხვადასხვა ნერვოპათალოგთან, ლოგოპედთანაც დამყავდა,შედეგი არ გამოიგო, იქნებ მირჩიოთ რამე, მადლობა წინასწარ

ქალბატონო მაკუნა, როგორც ჩანს, თქვენ დიდი ხანია ებრძვით აღნიშნულ პრობლემას და ალბათ კარგად ხართ გარკვეული მის რაობაში...თუმცა გარკვეული ინფორმაცია შეგიძლიათ ამავე თემაში პირველ გვერძეც იხილოთ...
ლოგონევროზი მიეკუთვნება იმ დარღვევათა რიცხვს, რომელიც ხანგძლივ და ინტესნიურ მუშაობას მოითხოვს როგორც პაციენტის ისე სპეციალისტთა ჯგუფის მხრიდან..
თქვენს გოგონას აუცილებლად ასწავლიდნენ სამეტყველო სუნთქვის მართვას, გამოიყენოს ის პრაქტიკაში... ასწავლიდნენ სამეტყველო ტემპის შემცირებას ხმოვნების ოდნავი დაგრძელების ხარჯზე, რომელთა ხანგძლივ წარმოთქმას იწვევს ხანგძლივი ამოსუნთქვა. ასწავლიდნენ, რომ სანამ საუბარს დაიწყებს, მოიფიქროს რისი თქმა სურს.
საუბარი დაიწყოს ამოსუნთქულ ჰაერზე!
მკაცრად დაიცვას პაუზა წინადადებების ბოლოს!
დიდი წინადადება დაყოს აზრობრივ ნაწილებად, მათ შორის დაიცვას პაუზა!
ეცადეთ ყველაფერი ეს გადაიტანოს ყოველდღიურ სამეტყველო პრაქტიკაში, ჰქონდეს მუდმივი თვითკონტროლი და მეტყველების გაუმჯობესება შესამჩნევი იქნება...
ატარეთ ცურვაზე, მწვრთნელის მუდმივი ზედამხედველობის ქვეშ, რომელიც სწორ სუნთქვას ასწავლის!
შეასწავლეთ ჩასაბერ ინსტრუმენტებზე დაკვრა!

 გაგზავნილია: 07.03.12 19:52. სათაური: ვბვ..

ვბვბვბვ

 გაგზავნილია: 02.08.12 21:50. სათაური: ხელ..

[big]ხელი შეუწყოთ ბავშვებში სწორი თანკბილვის ჩამოყალიბებას!!! (I ნაწილი)

ექიმი ფიზიოლოგები ერთხმად იუწყებიან, რომ მატყუარას წოვა აუცილებელია ქვედა ყბის კარგი ზრდა-განვითარებისათვის. ამერიკის პედიატრიის აკადემიის 7 წლიანმა გამოკვლევებმა დაამტკიცა, რომ ბავშვებში უეცარი სიკვდილის სინდრომის საშიშროების შემცირებაში, მატყუარა მნიშვნელოვან როლს თამაშობს. თუმცა მისი გამოყენება უნდა დავიწყოთ მხოლოდ მეოთხე კვირიდან. თუ ძილის დროს იგა პატარას უვარდება ნუ ეცდებით მის უკან დაბრუნებას. წლის შემდეგ მატყუარას გამოყენება არ არის სასურველი.


ბავშვებში წოვითი რეფლექსი, ცხოვრების პირველ წელს წარმოადგენს ბუნებრივ ფიზიოლოგიურ მოთხოვნას. წოვითი მოძრაობები ამცირებენ ბავშვის აქტიურობას და აქრობენ უარყოფით ემოციებს. ხელოვნურ კვებაზე მყოფი ბავშვების წოვა, ხშირად არა დამაკმაყოფილებელია, რითაც იწვევს ქვედა ყბის ზრდაში ჩამორჩენის პროვოცირებას. შედეგად ბავშვს უყალიბდება დისტალური თანკბილვა.

ამას გარდა ხელოვნურ კვებაზე მყოფ ბავშვებს, პირის კუნთებზე არ ადგებათ საჭირო დატვირთვა და წოვის რეფლექსი რჩება დაუკმაყოფილებელი, ასეთ შემთხვევაში მატყუარას გამოყენება ბავშვებისათვის ძალიან მნიშვნელოვანია. ვინაიდან ანვითარებს ენისა და ქვედა ყბის მამოძრავებელ კუნთებს. თუმცა, როგორც კი პატარას შეუსრულდება 6 თვე სასურველია ღრმა ძილის დროს გამოართვათ მატყუარა. რათა თავიდან ავიცილოთ მადეფორმირებელი მოქმედება - საქმე იმაშია, რომ მატყუარას მრგვალი ყელი ხელს უშლის ცენტრალური საჭრელი კბილების შეხებას. ამ მიზერულ, მაგრამ მუდმივი ზეწოლას შეუძლია ღია თანკბილვამდე მიგვიყვანოს, ასევე გამოიწვიოს ქვედა ყბის ზრდის შეჩერება.

დღეისათვის უკვე არსებობს მატყუარას პრინციპიალურად ახალი მოდელი, ”დენტისტარი”, რომელიც ორთოდონტიული დარღვევების თავიდან აცილების მიზნით შემუშავდა. მას აქვს განსაკუთრებულად თხელი ყელი და სპეციალური საფეხური საჭრელების სწორი შეხებისათვის. ახალი მატყუარა გამოდის 2 ზომის - ახალშობილების 9 თვემდე და პატარებისათვის უკვე ამოჭრილი კბილებით. დღეისათვის იგი წარმოადგენს ყველაზე ოპტიმალურ მოდელს ყბა-კბილთა სისტემის ანომალიების პროფილაქტიკისათვის.

რა ვქნათ თუ უკვე დროა მოვიშოროთ მატყუარა, მაგრამ პატარას არ სურს მასთან განშორება. ყველაზე საუკეთესო პერიოდი მატყუარას გადასაჩვევად 8-18 თვეა. ამ ასაკში პატარას უყალიბდება ღეჭვითი რეფლექსი და მას ფიზიოლოგიურად და ფსიქოლოგიურადაც უადვილდება მასთან განშორება.


ამ პერიოდში მშობლების ამოცანაა - მიეხმარონ საღეჭი რეფლექსის სრულყოფილად ჩამოყალიბებაში, ვინაიდან მასზეა დამოკიდებული შემდგომად საჭმლის მონელაბა და ჯანმრთელობაც რაღა თქმა უნდა. როგორც ცნობილია ფუნქცია განსაზღვრავს ფორმას და საკვებ რაციონში მაგარი საკვების უკმარისობა ხშირად იწვევს კბილთა მწკრივების შევიწროებას, მჭიდრო დგომას და შემდგომად უკვე მრავლობით კარიესს და პაროდონტის დაავადებების განვითარებას მუდმივ კბილებში. რათა დროულად ჩამოყალიბდეს ღეჭვითი რეფლექსი, აუცილებელია ბავშვის კვებას ნელ-ნელა დავამატოთ მაგარი საკვები, როგორც კი პატარას ამოეჭრება წინა კბილები, მას უკვე შეუძლია აიღოს კიტრის პატარა ნაჭერი და მოკბიჩოს. პირველი გვერდითი კბილების ამოჭრისას პატარ სწავლობს ღეჭვას. ამიტომ უმჯობესია კი არ გაუხეხოთ, არამედ მოუთუშოთ ბოსტნეული პატარა ნაჭრებად, რათა ღეჭვის ჩვევებმა ფეხი მოიკიდოს.

ორი წლის ასაკში, როცა ყველა სარძევე კბილი ამოჭრილია, მატყუარას ხმარება არც კი უნდა იფიქროთ. თუკი პატარა 2 წლის მერეც სარგებლობს მატყუარით, ღია თანკბილვის განვითარების ალბათობა 96%-ია.

თუ თქვენს პირმშოს უჭირს მატყუარასთან განშორება, არაა აუცილებელი მდოგვით დაუწვათ პირი ან ძალით გამოგლიჯოთ საყვარელი ნივთი. არსებობს უფრო ჰუმანური მეთოდები, რათა გადავაჩვიოთ მატყუარის ან თითის წოვას. მშობლებში არსებობს ასეთი მოსაზრება: ”რომ შესაძლებელია მისი გამორთმევა, ნუ იტირებს ერთი-ორი დღე ბავშვი და გაჩერდება”. მაგრამ შესაძლებელია კი უემოციოდ უყურუთ, თუ როგორ ტირის წლამდელი ბავშვი? ბავშვის ფსიქოლოგია ძალიან ტრამვირებადია, მას ბავშვობიდან გაფრთხილება სჭირდება. თუ ზრდასრულ ადამიანს შეუძლია მოწევას გადაეჩვიოს ნებისყოფის გამოყენებით, პატარებს 5 წლამდე ჯერ არააქვთ ეს ნებისყოფა ჩამოყალიბებული. თუ თქვენ მას გამოართმევთ ამ სიამოვნებას, ყველანაირი ჩანაცვლების გარეშე, საბოლოოდ მხოლოდ ნერვულ აშლილობას და სხვა მავნე ჩვევას მიიღებთ. მაგ.: თითის წოვას რისი გადაჩვევაც უკვე ძალიან გაჭირდება.

პატარას, წოვის მავნე ზემოქმედების გადაჩვევაში დაეხმარება რბილი სილიკონის ფირფიტა ”სტოპი”. სპეციალურად შემუშავებული ექიმი რ. ჰინცეს მიერ მატყუარას ჩასანაცვლებლად.

ბავშვთა სტომატოლოგის ან პედიატრის რეკომენდაციით თქვენ შეძლებთ შეიძინოთ ფირფიტა აფთიაქში, რომელიც გარეგნულად ძალიან ჰგავს მატყუარას. იგი ეხმარება პატარას არა მარტო წოვის მავნე ჩვევების გადაჩვევაში, არამედ აგვარებს უკვე არსებულ პრობლემებს. სურათზე ნათლად სჩანს თუ როგორაა ფირფიტა მოთავსებული პირის ღრუში, წინა კბილებს არაფერი არ უშლის შეხებაში. ხოლო ღია თანკბილვა გამოწვეული მატყუარას დიდ ხნიანი მოხმარებით 2-3 თვეში განიცდის კორექტირებას ფირფიტის ხარჯზე. რაც შეეხება მავნე ჩვევას პატარების 80% მალევე აგდებს მატყუარას „სტოპის “ დახმარებით.

წყარო– ნინო ბერიძის ორთოდონტული ცენტრი

 გაგზავნილია: 02.08.12 22:02. სათაური: თქვ..

თქვენი ბავშვი პირით სუნთქავს???


ადამიანი ბუნებრივად სუნთქავს ცხვირით. ჩასუნთქვა და ამოსუნთქვა უნდა ხდებოდეს ცხვირის სასუნთქი გზების გავლით, სადაც ჰაერი იფილტრება და თბება. ხოლო თუ ესე არ ხდება, ასეთ შემთხვევაში ცხვირ-ხახაში ჩნდება სპეციფიური წანაზარდები ე.წ. „ადენოიდები“, რაც ართულებს ჰაერის თავისუფალ მოძრაობას ცხვირში. შედეგად ბავშვი გამუდმებით სუნთქავს პირით, ასეთი სუნთქვისას ორგანიზმი საჭირო ჟანგბადის მხოლოდ 15% ითვისებს და მუდმივად განიცდის ჟანგბადის უკმარისობას. რასაკვირველია ასეთი ბავშვები უფრო ხშირად ცივდებიან და ემართებათ რესპირატორული დაავადებები. ვინაიდან თავდაცვითი ფუნქციები, რომლებიც მოქმედებს ცხვირით სუნთქვისას არ მუშაობს პირით სუნთქვის პირობებში. პირით სუნთქვისას, ბავშვებში გარდაუვალია სახის ძვლების განუვითარებლობა, სახის პროპორციების დარღვევა და დეფორმაციები, რაც გარეგნულად ვლინდება თანკბილვის ანომალიით და კბილთა მჭიდრო დგომით. ასეთი ბავშვები ცხვირში ლაპარაკობენ (დუდღუნებენ) და იძულებით თავდახრილად ყოფნის გამო შეიძლება დაერღვეთ სხეულის ტანადობა. აუცილებელია გვახსოვდეს, რომ ადენოიდები არაა პირველადი მიზეზი სუნთქვის დაარღვევისა, იგი მხოლოდ შედეგია, მას შემდეგ რაც ჰაერის მოძრაობა სასუნთქ გზებში წყდება. აი რატომაა აუცილებელი დროულად და სწორად უმკურნალოთ სურდოს ბავშვებში, რათა ავიცილოთ მისი გადასვლა ქრონიკულ ფორმაში.

ცხვირის წვეთების დანიშვნა არ გიშველით უკვე ჩამოყალიბებული პირით სუნთქვისას. თუ შეამჩნიეთ, რომ თქვენი პატარა სუნთქავს პირით (განსაკუთრებით ღამე!), თუ მას ადენოიდები აქვს, ან ახლახანს ამოკვეთეთ, მაგრამ იგი აგრძელებს პირით სუნთქვას, თქვენი ძირითადი მიზანია დაუყოვნებლივ აღადგინოთ ცხვირით სუნთქვა. ძირითადი ამოცანაა - გავათავისუფლოთ სასუნთქი გზები და გადავკეტოთ ჰაერის მიწოდება პირის ღრუში. ეტაპობრივად ცხვირით სუნთქვის აღდგენის ეფექტური საშუალებაა პრეორთოდონტიული ტრეინერი, რომელიც საკმარისია მხოლოდ ერთი საათი ვატაროთ დღისით და აუცილებლად ღამე, წინასწარ სისხლძარღვების შემავიწროვებლის ჩაწვეთებით.

ეს უნიკალური, ცხვირით სუნთქვის ვარჯიშების სისტემა ტრეინერის გამოყენებით, უკვე დიდი ხანია წარმატებით იხმარება მსოფლიოს განვითარებულ ქვეყნებში. ტრეინერის კონსტრუქციის ისეთი სპეციფიურობა, როგორიცაა სპეციალური „ენა“, ეხმარება ბავშვის ენას „დაიმახსოვროს“ მისი ფიზიოლოგიურად სწორი მდებარეობა ყლაპვისა და ბგერების წარმოქმნისას. სპეციალური სამასაჟე ბორცვები, განლაგებული აპარატის გარეთა ზედაპირზე, გვეხმარებიან ქვედა ტუჩის ზედმეტი ზეწოლის მოხსნისათვს, რაც ხელს უწყობს, ყვედა ყბის ნორმალურ განვითარებას. ხოლო ტრეინერის ელესტიური მიმმართველები საშუალებას აძლევენ მუდმივ კბილებს ამოიჭრან მათთვის განკუთვნილ ადგილზე. ტრეინერი ძალიან იოლი მოსახმარია და ბავშვი საკმაოდ მარტივად ეჩვევა რეგულარულ ვარჯიშებს.

თავიდან, ძილის დროს შესაძლებელია, რომ ტრეინერი პატარას გადმოუვარდეს პირიდან, თუმცა მისი რეგულარულად ხმარების შემთხვევაში - დღისით არა ნაკლებ ერთი საათისა, პირის ირგვლივი კუნთის ტონუსი ნორმალურდება და 2-3 თვეში ხდება ცხვირით სუნთქვის აღდგენა. სასუნთქი გზების თავისუფალი ვენტილაცია ხელს უშლის ადენოიდების ზრდას. ძალიან მნიშვნელოვანია არ ვიჩქაროთ და ვასწავლოთ პატარას ნელ-ნელა შეეგუოს აპარატს. სამჯერ დღეში მაქსიმალურად, რამდენ ხანსაც შესძლებს, რომ გაიჩეროს ტრეინერი, შემდგომ ამ დროს დაუმატეთ თითო-თითო წუთი. კუნთების დაჭიმულობის დრო არ უნდა აღემატებოდეს მათ მოდუნებულ მდგომარეობას.

ეს მოუსვენარი ენა!



ლოგოპედების მონაცემებით, ბოლო დროს გახშირდა, ბგერების ცუდად წარმომთქმელი ბავშვების რაოდენობა. გამართული საუბრის აღდგენა, მხოლოდ სპეციალური ვარჯიშებით ძალიან რთულია. საქმე იმაშია, რომ ლოგოპედის სავარჯიშოები მიმართულია პირის ღრუს ანატომიურ წარმონაქმნებს შორის სწორ ურთიერთობაზე. იმ დროს, როდესაც ვარჯიშები არა რეგულარულია, სწორი ბგერების წარმოქმნის პროცესი მიდის ძალიან ნელი ტემპებით. ჩვენ, ძვირფასო მშობლებო, არ გვაქვს საკმარისი დრო, რათა ვივარჯიშოთ შვილებთან ერთად. მაშ, როგორ ვასწავლოთ პატარას სწორად წარმოთქვას ბგერები?

ბგერების წარმოქმნაში ყველაზე მნიშვნელოვანი ორგანო ენაა! ხშირ შემთხვევაში იგია დამახინჯებული ბგერების მიზეზი. ენის მამოძრავებელი კუნთები უნდა ვავარჯიშოთ, რათა განვავითაროთ მისი მოძრაობა და მგრძნობელობა.

თუ თქვენი პატარა ცუდად გამოთქვამს ბგერებს, მას დაეხმარება ვესტიბულური ფირფიტა მძივით. დღისით უმჯობესია პატარას ვასწავლოთ, რომ დამოუკიდებლად ივარჯიშოს ფირფიტით - მათ მოსწონთ პირის ღრუში პატარა, გამჭვირვალე მძივის ენით თამაში. დღეში 2-3 ჯერ 20 წუთის განმავლობაში ამ ვარჯიშების დროს ეფექტურად ვითარდება ენის ყველა კუნთი და პარალელურად პირის ირგვლივი კუნთი. ხოლო ლოგოპედის ვარჯიშები ხდება უფრო შედეგიანი.
თუ ლაპარაკისა და ყლაპვის დროს, ბავშვი ენას აქცევს კბილებს შორის, მაშინ იგი არა მარტი იწყებს ჩლიფინს, არამედ ერღვევა თანკბილვაც: ენა ძალიან ძლიერი კუნთია და მისმა გამუდმებულმა ზეწოლამ შეიძლება შეცვალოს კბილთა დგომა, რითაც გამოიწვევს კბილთა რკალში ცვლილებებს. ენის კბილთა შორის მდებარეობა იწვევს, ენის გამომწევი კუნთების ზედმეტ განვითარებას და რომ მივაჩვიოთ ენა დაუბრუნდეს საწყის პოზიციას ამაში ჩვენ დაგვეხმარება ენის შემზღუდავი ვესტიბულარული ფირფიტა მავთულოვანი საფარით. ასწავლოს ენას დაიკავოს მისი ადგილი, ამაში ასევე დაგვეხმარება მიოფუნქციური ტრეინერი. ტრეინერში ენის შემზღუდი, დამზადებულია რბილი სილიკონისაგან და ეხმარება ენას „დაიმახსოვროს“ მისი ადგილი ღამის ძილის პერიოდში. კუნთის მახსოვრობის ეფექტიდან გამომდინარე.

ცალკეულ შემთხვევებში ლოგოპედი ან ორთოდონტი შეგირჩევთ თქვენი შვილისათვის კორექციის ოპტიმალურ ვარიანტს.

წყარო– ნინო ბერიძის ორთოდონტული ცენტრი

 გაგზავნილია: 09.09.12 13:55. სათაური: ფრე..

ფრეიზერის აუტოთერაპია
მალკომ ფრეიზერი ენის ბორძიკის საკორექციოდ მეტყველებისას სპეციალური წესების დაცვას გვთავაზობს. მათი რიცხვი 12-ია, ისინი შეადგენენ ორ ძირითად მიდგომაზე დაფუძნებულ ავტოკორექციის საფუძველს.
პირველი _ აუცილებელია ენის ბორძიკისადმი ადამიანის დამოკიდებულების შეცვლა, საჭიროა შემცირდეს საუბრის დაწყების წინ შიში და თავის არიდება იმ სიტყვებს წარმოთქმისგან, რომლებზეც ყველაზე ხშირად ებმით ენა.
მეორე _ სპეციალური ტექნიკის გამოყენებით, ადამიანი საუბრისას არასწორ მოქმედებებს (რომლებიც თავად იწვევენ ენის დაბმას) ცვლის ისეთი მოქმედებებით, რომლებიც ენის ბორძიკის პროფილაქტიკას ითვალისწინებს.
შედეგად იცვლება მეტყველება და ადამიანი სირთულეების გარეშე ახერხებს საუბარს.

12 ჯადოსნური წესი

1. ილაპარაკე თავისუფლად და სიტყვები გამოთქვი მკვეთრად;
2. შეცვალე ენის ბორძიკთან დამოკიდებულება, ენა თუ დაგება ეს თავისუფლად აკეთე;
3. ნუ დამალავ, რომ ენა გებმის, ყველასთან აღიარე, რომ მებორძიკე ხარ;
4. ნუ არიდებ თავს რომელიმე ბგერას, რომლის გამოთქმაც გიჭირს;
5. თავი ანებე მავნე ჩვევებს _ განთავისუფლდი ზედმეტი მოძრაობებისგან, სახის გამომეტყველება ან ჟესტებისგან, რომელსაც საუბრის დროს იყენებ;
6. მოსაუბრეს ყოველთვის უყურე თვალებში;
7. ნუ შეჩერდები და ნუ შეცვლი საუბრისას რთულ სიტყვებს მარტივით;
8. ილაპარაკე ისეთი ინტონაციით, რომ ხმაში მელოდიურობა და სიმტკიცე იგრძნობოდეს;
9. დაუკვირდი მდგომარეობას, როცა ენა არ გებმის და ნორმალურად ლაპარაკობ, კარგად დაიმახსოვრე ყოველივე;
10. ილაპარაკე, რაც შეიძლება მეტი;
11. დაუკვირდი თავს, როცა ენა გებმის, დაადგინე რა ემართება არასწორად შენს სამეტყველო აპარატს, ამისთვის გამოიყენე სარკე, მაგნიტოფონი და მითხარი;
12. ბლოკების კორექცია _ კორექციის მეორე ეტაპიდან იწყება, იმის გამოსწორება რაც მეტყველებას არასწორს ხდის.


გთავაზობთ რამდენიმე პრაქტიკულ რჩევას, რომლებიც საშუალებას მოგცემთ, მეტყველებისას დამოუკიდებლად არეგულიროთ ხმის ტემბრი. აქვე დავძენთ, რომ ეს რეკომენდაციები განკუთვნილია მხოლოდ უფროსკლასელებისა და მოზრდილი ადამიანებისთვის ანუ მათთვის, ვისაც შეუძლია, შეგნებულად ცვალოს საკუთარი მეტყველება.

წესი სულ სამია:

I. უნდა მოადუნოთ ყველა კუნთი, რომელსაც კი სახმო იოგებთან აქვს კავშირი, განსაკუთრებით - ტუჩების კუნთები. ისინი ჭარბად არ უნდა ამოძრაოთ.
II. ყველაფერი, რაც სახმო იოგების ქვეშაა, უნდა ვიბრირებდეს - მეტყველებისას აუცილებელია, მკერდში მსუბუქი ვიბრაცია იგრძნოთ, სწორედ ასე წარმოიქმნება ობერტონები - ენის ბორძიკის საწინააღმდეგო “ანტიდოტები”.
III. სახმო იოგების სპაზმის პროფილაქტიკისთვის აუცილებელია, სულ ცოტათი დაიდაბლოთ ხმა.

 გაგზავნილია: 10.10.12 18:14. სათაური: nikaa usmine da ibzu..

nikaa usmine da ibzuile xmamaRla , saxlshi am bzikebtan ertad!!!

 გაგზავნილია: 16.10.12 15:57. სათაური: რა Ʈ..

რა არის მეტყველების თერაპია?
ბავშვებში მეტყველებისა და ენის დარღვევების დროს საჭიროა მეტყველების თერაპევტის მუშაობა. მეტყველების განვითარების დარღვევა გულისხმობს ბგერების გამოცემის პრობლემას, ხოლო ენის განვითარების დარღვევა მიეკუთვნება მიმართული მეტყველების გაგებისა და საკუთარი აზრების გამოხატვის პრობლემას.
მეტყველების დაღვევები და ენის დარღვევები
ამერიკის მეტყველების-ენის-სმენის ასოციაციის თანახმად მეტყველების დარღვევა მოიცავს შემდეგ პრობლემებს:
არტიკულაციის დარღვევა, რაც გულისხმობს სიტყვებისა და ბგერების სწორად წარმოთქმას, ასევე ბგერების მარცვლებად წარმოთქმის გაძნელებას, რაც საერთო ჯამში ძნელად გასაგებს ხდის ბავშვის მეტყველებას გარშემომყოფთათვის.
მეტყველების დარღვევა ასევე მოიცავს ისეთ პრობლემებს, როგორიცაა ენის ბორძიკი(ლოგონევროზი), როდესაც მეტყველებაში აღინიშნება წყვეტები, გამეორებები ან წაგრძელებული ბგერები და მარცვლები.
რეზონანსის ანუ ხმის დარღვევა მოცავს პრობლემებს ხმის ტონალობის, სიმაღლის ან ხმის ხარისხის დარღვევას იმგვარად, რომ მსმენელი ვერ იგებს ნათვამს.
დისფაგია / ყლაპვის დარღვევაა მათ შორის კვებისა და ყლაპვის პრობლემებით.
ენის დარღვევები შეიძლება იყოს ექსპრესიული ან იმპრესიული:
ენის იმპრესიული დარღვევა მიეკუთვნება მიმართული მეტყველების გაგებისა და აზრის გამოტანის (დამუშავების) დარღვევას.
ენის ექსპრესიული დარღვევა მოიცავს სიტყვებიდან წინადადებების აწყობის პრობლემას, შეზღუდულ სიტყვათა მარაგს ან ენის სოციალურ სიტუაციებში გამოყენების პრობლემას.
მეტყველების-ენის თერაპიის სპეციალისტები
ენის-მეტყველების თერაპევტები,არიან ადამიანური კომუნიკაციის, მისი განვითარებისა და დარღვევების სპეციალისტები.
მეტყველების, ენის, შემეცნებითი-კომუნიკაციური უნარების და ასევე ყლაპვის უნარების შეფასებით ბავშვებსა და მოზრდილებში, მეტყველების თერაპევტებს შეუძლიათ განსაზღვრონ კომუნიკაციის პრობლემის ტიპი და მისი დაძლევის საუკეთესო გზა.
ისინი აგვარებენ პრობლემებს ისეთ სფეროებში, როგორიცა არტიკულაცია, ორალურ-მოტორული დარღვევები, მეტყველება და ხმა; და ასევე იმპრესიული და ექსპრესიული მეეტყველების დარღვევები.
მკურნალობის პროცესი
ენის-მეტყველების თერაპია გულისხმობს თერაპევტის ბავშვთან ერთი-ერთზე მუშაობას, რათა დაძლეულ იქნას სპეციფიური მეტყველების დარღვევა.
თერაპევტები სხვადასხვა სტრატეგიებს იყენებენ ამისათვის, მათ შორის:
ინტერვენციული აქტივობები. ამ ვარჯიშებით თერაპევტი ურთიერთობს ბავშვთან თამაშისა და ლაპარაკის საშუალებით. თერაპევტმა შეიძლება გამოიყენოს სურათები, წიგნები, საგნები ან მიმდინარე მოვლენები ენის განვითარების სტიმულირებისათვის. თერაპევტი ასევე აყალიბებს სწორ გამოთქმას, იგი იყენებს გამეორების სავარჯიშოებს სწორი მეტყველებისა და ენის განმტკიცებისათვის.
არტიკულაციის თერაპია. არტიკულაციის ან ბგერების წარმოების ვარჯიშები მოიცავს პროცესს როდესაც თერაპევტი მუშაობს ბავშვის მიერ წარმოთქმული ბგერებისა და მარცვლების კორექციაზე, ხშირად ეს აქტივობაც თამაშის დროს ხდება. ბუნებრივია თამაშის დონე შეესაბამება ასაკობრივ განვითარებას და კავშირშია ბავშვის განსაკუთრებულ საჭიროებებთან. თერაპევტი ფიზიკურად აჩვენებს ბავშვს თუ როგორ წარმოთქვას კონკრეტული ბგერები, როგორიცაა ”რ” და დემოსტრირებას აკეთებს, თუ როგორ უნდა ამოძრაოს ბავშვმა ენა ამა თუ იმ ბგერის წარმოსათქმელად.
ორალური მოტორიკა / კვების თერაპია. თერაპევტი იყენებს სხვადასხვა სახის ორალურ ვარჯიშებს, მათ შორის სახის მასაჟს და სხვადასხვა ენის, ტუჩებისა და ყბის ვარჯიშებს, რათა გააძლიეროს პირის კუნთები. თერაპევტმა ასევე შეიძლება იმუშაოს სხვადასხვა საკვების ტექსტურებთან და ტემპერატურებთან რათა გაზარდოს ბავშვის ორალური ცოდნა ჭამისა და ყლაპვის პროცესში.
როდის არის თერაპია საჭირო?
ბავშვებს შეიძლება დასჭირდეთ ენის-მეტყველების თერაპია სხვადასხვა მიზეზებიდან გამოდინარე, მათ შორის:
• სმენის დარღვევები
• შემეცნებითი (ინტელექტუალური, აზროვნება) და სხვა განვითარების შეფერხებები
• სუსტი ორალური კუნთები
• თანდაყოლილი დეფექტები როგორიცაა კურდღლის ტუჩი ან მგლის ხახა
• აუტიზმი
• რესპირატორული პრობლემები (სუნთქვის დაღევევა)
• ყლაპვის დარღვევები
• ტვინის ტრავმული დაზიანება
თერაპია რაც შეიძლება მალე უნდა დაიწყოს. იმ შემთხვევაში თუ თერაპია ადრეული განვითარების ასაკშივე დაიწყბა (3-წლამდე) საბოლოოდ ბევრად უკეთესი შედეგები მიიღება, ვიდრე გვიან დაწყებული თერაპიის დროს.
ეს არ ნიშნავს, რომ შედარებით უფროსი ბავშვები ვერ მიაღწევენ პროგრესს, უბრალოდ მათ შეიძლება უფრო ნელი ტემპის პროგრესი აჩვენონ.
როგორ დავეხმაროთ ბავშვს?
მეტყველების დარღვევების ექსპერტები თანხმდებიან, რომ მშობლის ჩართულობა გადამწყვეტია ბავშვის მეტყველების განვითარებაში.
მშობლები განსაკუთრებით მნიშვნელოვან როლს თამაშობენ ბავშვის თერაპიის პროგრამაში და ეხმარებიან თერაპევტს წარმატების შეფასებაში. სწორედ ის ბავშვები აღწევენ ყველაზე მეტ წარმატებას, რომელთა მშობლებიც ჩართულები არიან თერაპიის პროცესში. ჰკითხეთ თერაპევტს მასზედ თუ როგორ შეგიძლიათ ბავშვის დახმარება. აუცილებელია სახლშიც იმ ვარჯიშების გამეორება, რომელთაც თერაპევტი დაგავალებთ, რათა მოხდეს მუდმივი პროგრესისა და ახალი უნარების დასწავლის უზრუნველყოფა.
მეტყველების დარღვევის პრობლემის დაძლევა დიდ დროსა და ძალისხმევას მოითხოვს, ასე რომ ძალიან მნიშვნელოვანია ოჯახის წევრების მიერ ბავშვის მიმართ მოთმინებისა და გაგების გამოჩენა.

 გაგზავნილია: 16.10.12 16:01. სათაური: მეტ..

მეტყველების განვითარების დარღვევები

მეტყველება კომუნიკაციის ბუნებრივი, პირველადი ფორმაა და მისი საშუალებით ადამიანები გამოხატავენ თავიანთ აზრებს სურვილებს, განცდებს. ბავშვის მეტყველება ასაკთან ერთად ვითარდება, უმჯობესდება და უფრო დახვეწილი ხდება მისი წარმოთქმა. თავდაპირველი ტიტინის საფუძველზე ბავშვს უვითარდება სიტყვები და ფრაზები, თანდათან მდიდრდება მისი ლექსიკონი, უფრო და უფრო რთულდება ფრაზების აგებულება. 5 წლის ასაკში კი ბავშვს უკვე შეუძლია გასაგები, გრამატიკულად გამართული მეტყველებით გამოთქვას თავისი აზრები, გრძნობები და სურვილები. იმისათვის რომ ჩვენ შევძლოთ თვალყური მივადევნოთ ჩვენი პატარების მეტყველების განვითარებას საჭიროა ვიცოდეთ რა ასაკში რა კრიტერიუმებს უნდა აკმაყოფილებდეს ბავშვის მეტყველება (იხ. განვითარების ეტაპები) და ასევე ის თუ რა ტიპის მეტყველების დარღვევები არსებობს და როგორ აღმოვაჩინოთ ისინი, რასაც გთავაზობთ კიდეც ამ სტატიაში.







მეტყველების დეფიციტი შეიძლება ვლინდებოდეს:

ექსპრესიულ მეტყველებაში
რეცეპტულ და ექსპრესიულ მეტყველებაში ერთად.
შესაძლოა დაირღვეს ენის ერთი ან რამოდენიმე ასპექტი:


ფორმა (ფონოლოგია; მორფოლოგია; სინტაქსი)
მნიშვნელობა (სემანტიკა);
გამოყენება (პრაგმატიკა);


ფონოლოგია

დეფიციტურია :

ფონემების ათვისება;
ფონოლოგიური მუშა მეხსიერება;
ფონოლოგიური ცოდნა;
მორფოლოგია

პრობლემურია:

ნომინალური (მაგ: არსებითი სახელის მრავლობითი რიცხვის წარმოება) და ზმნური მორფოლოგია (მაგ: მესამე პირის ნიშნები, წარსული დროის წესიერი ფორმა, დამხმარე ზმნები და ა.შ);
ნაცვალსახელების პროდუცირება;
სინტაქსი

აწარმოებენ მოკლე წინადადებებს;
რთული წინადადებების წარმოების მცდელობისას უბრალო კავშირებითი სიტყვებით აბამენ მარტივ წინადადებებს.
პრაგმატიკა

უჭირთ:

დიალოგის წამოწყება და ხანგრძლივი საუბრის გამართვა;
გაუგებრობის შემთხვევაში ახსნა-განმარტების თხოვნა და მიცემა;
კონფლიქტების ვერბალურ დონეზე გადაჭრა, რაც აიძულებს მათ უკან დაიხიონ ანდა გახდნენ აგრესიულები;
აქვთ პრესუპოზიციის (ნიშნავს მეტყველების სტილის მორგებას მსმენელის ასაკზე, სოციალურ სტატუსსა და ენობრივ უნარებზე) შეზღუდული უნარი.


არტიკულაციის სპეციფიური დარღვევა

არტიკულაციის სპეციფიური დარღვევა ეს არის განვითარების სპეციფიური დარღვევა, რომლის დროსაც მეტყველებითი ბგერების წარმოთქმის დაუფლების უნარი ჩამორჩება იმ დონეს, რომელიც შეესაბამება ბავშვის გონებრივ ასაკს.
მეტყველების სხვა ასპექტების განვითარება ასაკის შესაბამისია.
რუსული ლოგოპედიური სკოლის კლინიკურ-პედაგოგიურ კლასიფიკაციაში მეტყველების სპეციფიკურ დარღვევას ეწოდება ფუნქციონალური დისლალია.


მეტყველების განვითარების დარღვევის

დიაგნოსტიკური კრიტერიუმები

მეტყველების განვითარების სპეციფიურ დარღვევას ადგილი აქვს , თუ აღინიშნება:

მეტყველების დარღვევა
ნორმალური სმენა
ნორმალური არავერბალური ინტელექტი
არ აღინიშნება:

გამოხატული ნევროლოგიური ნიშნები
დაავადებები, რომლებიც ცენტრალური ნერვული სისტემის დაზიანებას იწვევენ;
ფსიქიატრიული , ემოციური და ქცევითი დარღვევები;
ძალადობის ისტორია;
არ აღინიშნება მეტყველების შეძენილი დარღვევა.




მეტყველების სპეციფიური დარღვევის

გამომწვევი ფაქტორები

ეტიოლოგიური ფაქტორები ზუსტად გარკვეული არ არის

სახელდება სხვადასხვა მიზეზები:

ხანმოკლე სმენითი მეხსიერების დარღვევა
სმენითი სტიმულების თანმიმდევრული აღქმის დარღვევა;
სმენითი ინფორმაციის სწრაფი გადამუშავების დარღვევა;
არაადეკვატური სამეტყველო გარემო;
გენეტიკური კვლევები ამტკიცებენ, რომ მეტყველების განვითარების დარღვევებს მკაცრად განსაზღვრული გენეტიკური კომპონენტი აქვთ;






ექსპრესიულ მეტყველების დარღვევა

ნორმალური განვითარება

ბავშვი 12-16 თვის ასაკში ამბობს ცალკეულ სიტყვებს (ან მათ მსგავს მეტყველებით წარმონაქმნებს).
2 წლის ასაკში შეუძლია ორი სიტყვისაგან მარტივი წინადადების შედგენა.


- ექსპრესიული მეტყველების დარღვევა განვითარების სპეციფიკური დარვევაა, რომლის დროსაც ბავშვის მიერ ექსპრესიული მეტყველების გამოყენების უნარი მის გონებრივ ასაკთან შედარებით დაბალია.

- მიმართული მეტყველების გაგება ნორმის ფარგლებშია.

- ზოგიერთ შემთხვევაში აღინიშნება არტიკულაციის დარღვევები.

- რუსული ლოგოპედიური სკოლის კლინიკურ-პედაგოგიურ კლასიფიკაციაში ექსპრესიული მეტყველებს დარღვევას ეწოდება მოტორული ალალია, სინონიმებია მოტორული დისფაზია, ბავშვთა ადრეული მოტორული აფაზია, განვითარების მოტორული დისფაზია.



ექსპრესიული მეტყველების დარღვევას ადგილი აქვს როცა აღინიშნება:

შესაბამისი სიტყვების შერჩევის გამოხატული სირთულეები.
შემოკლებული ფრაზების გამოყენება.
სინტაქსური შეცდომები.
წინდებულების არასწორი გამოყენება ან გამოტოვება.
ნაცვალსახელების არასწორი გამოყენება ან გამოტოვება.
ზმნების უღლების ან არსებითი სახელის ბრუნვის პრობლემები.
შეიძლება აღინიშნებოდეს:

წესების არასწორი გადამეტებულად განზოგადებული გამოყენება.
მეტყველების მოქნილობის დარღვევა.
წარსული გამოცდილების მოყოლისას მოვლენათა თანმიმდევრობის დადგენის სირთულეები.
არავერბალური მანიშნებლების (როგორიცაა, ღიმილი ან ჟესტები) და „შინაგანი მეტყველების“ გამოყენება სიტყვების გარეშე სოციალური ურთიერთობის უნართან ერთად რჩება შედარებით დარღვეული.
მიუხედავად მეტყველების პრობლემებისა, ბავშვს უნდა ურთიერთობა და სიტყვების ნაკლებობის კომპენსაციას , ცდილობს იმით რომ იყენებს ჟესტებს, მიმიკებს ან არამეტყველებით ვოკალიზაციებს.
ზოგჯერ კომუნიკაციის სურვილი და არასაკმარისი მეტყველებითი რესურსი განაპირობებს „აგრესიულ“ ქცევას.


რეცეპტული მეტყველების დარღვევა

მიმართული მეტყველების გაგების უნარი ჩამორჩება ბავშვის გონებრივ ასაკს.
თითქმის ყველა შემთხვევაში ექსპრესიული მეტყველებაც დარღვეულია.
ხშირად აღინიშნება სიტყვებისა და ბგერების წარმოთქმის დეფექტები.
რუსული ლოგოპედიური სკოლის კლინიკურ-პედაგოგიურ კლასიფიკაციაში რეცეპტული მეტყველების დარღვევას ეწოდება სენსორული ალალია, სინონიმებია: სენსორული დისფაზია,ბავშვთა ადრეული სენსორული აფაზია,განვითარების სენსორული დისფაზია).


რეცეპტული მეტყველების განვითარების შეფერხება არსებითი ნიშნები სახეზეა, თუ :

ბავშვი 18 თვის ასაკში არ რეაგირებს ნაცნობ რამოდენიმე საგანზე;
2 წლის ასაკში არ ასრულებს მარტივ საყოფაცხოვრებო ინსტრუქციებს;


შემდგომში დარღვევები მოიცავენ:

გრამატიკული სტრუქტურების (უარყოფა, კითხვა, შედარება და ა.შ) გაგების უუნარობას;
მეტყველების სხვდასხვა ასპექტების (მაგ:ხმის ტონი) გაგების სირთულეებს;
თითქმის ყოველთვის თან ახლავს სოციალური ემოციური და ქცევითი დაღვევები;
ხშირია ჰიპერაქტიულობა და უყურადღებობა, სოციალური შეუგუებლობა და თანატოლებისაგან იზოლაცია, შფოთვა სენსიტიურობა და ზედმეტი სიმორცხვე;
რეცეპტული მეტყველების მძიმე ფორმის დარღვევის მქონე ბავშვები შიძლება ძალიან ჩამორჩნენ სოციალურ განვითარებაში, შესაძლებელია ბავშვს შეეძლოს მიბაძვით მეტყველება (ამ დროს არ ესმის წარმოთქმულის აზრი) და ინტერესების წრის შეზღუდვა.


ისინი განსხვავდებიან აუტიზმის მქონე ბავშვებისაგან იმით, რომ:

შეუძლიათ ნორმალური სოციალური ურთიერთობა;
თანატოლებთან როლურ თამაშებს თამაშობენ;
აქვთ ნორმალური დამოკიდებულება მშობლებთან (მაგ: მათ დასამშვიდებლად მიმართავენ როდესაც რაიმე უჭირთ);
იყენებენ ჟესტებს და აქვთ არავერბალური ურთიერთობის უმნიშვნელო დარღვევები;


რეკომენდაციების მეტყველების განვითარების დარღვევის დროს

მეტყველების განვითარების მასტიმულირებელი გარემოს შექმნა თვალსაჩინო მასალის გამოყენებით

საგანი, ნახატი, სიტყვა, წინადადება
სწორი მეტყველების მოდელი - ბავშვი შეცდომით ამბობს - არ ვუსწორებთ, ვიმეორებთ სწორი ფორმით
ბავშვისა და საკუთარი მოქმედებების გახმოვანება - არ ვითხოვთ გამეორებას
გარემოში არსებული ობიექტებისა თუ მოვლენების აღწერა - სეირნობისას, თამაშისას


მიმართული მეტყველების გაგების სირთულის შემთხვევაში:

მეტყველების განვითარების მასტიმულირებელი გარემოს შექმნა თვალსაჩინო მასალაზე დაყრდნობით.
მეტყველებაზე ყურადღების მიქცევის სტიმულირება
მოკლე, ინტონირებული ხმით მარტივი მოქმედებების გახმოვანეba
არავერბალური მიმანიშნებლების გამოყენება და დაკავშირება სიტყვებთან


ენის ბორძიკის დროს მნიშვნელოვანია:

არ შევაწყვეტინოთ ბავშვს ლაპარაკი
ვესაუბროთ ნელა
ადრეული ბავშვობისას - დღის რეჟიმის დაცვა
ინფორმაციის მოცულობის კონტროლი
უფროსის სტრატეგიები ბავშვის მეტყველებასთან მიმართებაში:

თვით-საუბარი: როდესაც რაიმეს აკეთებთ და ბავშვიც იქვეა, თქვენ ახმოვანებთ თქვენს მოქმედებებს. მაგ. შლით სუფრას და თან ამბობთ: ”თეფშები დავდე, წინ ჭიქა დავუდე, გვერდით ჩანგლები დავაწყე”. ან ”მომეცი თეფში, ქვაბიდან სუპი უნდა გადმოვასხა, ქვაბს თავზე უნდა დავახურო და ა.შ.”. მთავარი ამოცანაა მოქმედებების შესაბამისი სწორი წინადადებების მოდელირება მხოლობითი-მრავლობითი, მიცემით-ნათესაობითი ბრუნვებით, სივრცითი მიმართების აღმნიშვნელი სიტყვებით _ ზე, ში, წინ, უკან, ზემოთ,ქვემოთ.

პარალელური საუბარი: ბავშვის მოქმედების გახმოვანება, როდესაც ბავშვი რაიმეს აკეთებს, თქვენ ა&

 გაგზავნილია: 26.10.12 18:35. სათაური: გამ..

გამარჯობათ ქეთი მასწავლებელო, დათა 4 წლისაა,( ქალბატონ მაია მაღლაკელიძის ჯგუფშია) "შ" ბგერის წარმოთქმა უჭირს. უფრო სწორად "შ"–ს ნაცვლკად "ს"–ს იძახის, სხვა ბგერების წარმოთქმის პრობლემა არ აქვს. მსგავსი პრობლემა მეც მქონდა 3 წლის ასაკში, დედა ლოგოპედი მყავს და "სახლის პირობებში" ეშველა ჩემს პრობლემას :) რაიმე ტიპის სავარჯიშოს ხომ ვერ მასწავლით

წინასწარ დიდი მადლობა
ნინო.

 გაგზავნილია: 27.10.12 13:41. სათაური: გამ..

გამარჯობა ნინო, დათა "ჩიორას" ლოგოპედიურ კაბინეტში უკვე ირიცხება...ვიმუშავებთ ფონეტიკურ სმენას და მსგავსი ჟღერადობის ბგერების დიფერენციაციის უნარს... პრობლემა არ არის რთული და ვფიქრობ საკუთარი ძალებით შევძლებთ მასთან გამკლავებას.. ცოტა მოგვიანებით უკვე
აუცილებლად ექნება საშინაო დავალებებად სავარჯიშოები და ამის შესახებ შეგატყობინებთ....

პატივისცემით ქეთი

 გაგზავნილია: 27.10.12 13:45. სათაური: თუ ư..

თუ რამდენიმე დღით ფორუმზე არ გამოვჩნდი მომაკითხეთ აქ

აქ მეწვიეეთ!!!

და თუ აქაც არ ვარ ე.ი. ცუდადაა ჩემი საქმე...

 გაგზავნილია: 31.10.12 20:06. სათაური: didi madloba qeti ma..

didi madloba qeti maswavlebelo yuradgebistvis, tqveni imedi maqvs... ar minda rame gamomrches da dagviandes problemis mogvareba

pativiscemit nino

 &#4306;&#4304;&#4306;&#4310;&#4304;&#4309;&#4316;&#4312;&#4314;&#4312;&#4304;: 22.02.14 17:17. &#4321;&#4304;&#4311;&#4304;&#4323;&#4320;&#4312;: <a target="_..

<a target="_blank" href="/ru/quiz/testing/id/33812">შეაფასეთ საკუთარი შვილის მეტყველება 3-4 წლის ასაკი</a>